Kaj og Elias hava vunnið EM pláss til Føroyar

Kaj Johannesen og Elias B. Jensen vunnu innanhýsis dystin ímóti Jónsteini Jacobsen og Sofusi B. Mortensen og harvið tryggjaðu teir sær pláss í finaluni, sum verður leikt seinni í dag.

Samstundis tryggjaðu teir Føroyum eitt pláss í EM endaspælinum, sum verður í 2027.

Síðsti dysturin í dag hjá Kaj og Elias er ímóti Andorra. Hetta er dystur um 1. plássið í innleiðandi bólkinum, tí tað er longu greitt, at Andorra verður mótstøðuliðið í finaluni.

Jónstein og Sofus leika í løtuni ímóti Írlandi. Hetta er eisini liðið, sum teir seinni fara at møta í dysti um 3. plássið í samlaðu kappingini.

Flogbóltssamband Føroya