Kappríðingin við Leynavatn útsett til í morgin

Árliga kappríðingin við Leynavatn, sum skuldi byrja klokkan 15 í dag, er útsett til í morgin.

Tað boðar Føroya Ríðingarfelag frá í dag.

– Tað er ikki hugsingur um at ríða kapp við Leynavatn í dag, tí er árliga Leynavatnskappingin hjá Føroya Ríðingarfelag útsett.

– Vónin er at vatnið er minkað so mikið til tá, at tað ber til at ríða kapp eftir sandinum, skrivar Ríðingarfelagið.

Kappríðingin verður tí eftir ætlan í morgin, sunnudagin 19. juni, klokkan 15.

Á kappríðingini við Leynavatn verður kappast í skeið, tølt, trav, og tvíspor.