Kára tvífaldur danskur meistari

15 ára gamla Kára Sigurðsson, sum er ein av berandi kreftunum á føroyska U17 kvinnulandsliðnum, sum herfyri spældi EM-kapping í Føroyum, kann nú kallað seg fyri tvífaldan danskan meistara.

Felag hennara, FC Nordsjælland, hevur júst vunnið DM fyri kvinnur fyri bæði U16 og U19, og føroyska Kára hevur havt ein leiklut á báðum liðunum. Meistaraheitið fyri U16 gentur var tryggjað fyri eini tíð síðani, meðan U19 meistaraheitið varð tryggjað nú um vikuskiftið.

- Hetta hevur verið ein góð vika. Kára er liðug við fólkaskúlan, og fer nú at ganga í ti’eren (fótbóltsakademiið, red.) hjá FCN ,og harvið kunna hugsavna seg enn meira um fótbóltin, skrivar mamma hennara á Facebook.

Tá EM-kappingin fyri U17 landslið varð spæld í Havn og Klaksvík herfyri, var Kára Sigurðsson partur av byrjanaruppstillingini í øllum dystinum. 

Kára Sigurðsson í dysti móti niðurlendsku evropameistarunum á Tórsvølli herfyri. Fyrst í juli er aftur boð eftir henni, tá føroyska U17-landsliðið spælir Baltic Cup í Litava (Mynd: Sverri Egholm)