KÍ er aftur føroyameistari

KÍ hevur í ár verið einaráðandi í Betrideildini hjá kvinnum, og í dag vann liðið sín 14. sigur útav 14 møguligum Talan var um 5-0 sigur á B36 í Gundadali. Tað varð 0-1 í 3. minutti, síðani gekk ein tími til 0-2 málið, og ímóti endanum skrædnaði tað hjá B36. Tóra Mohr, Sanna Svarvadal, Evy á Lakjuni, Hervør Olsen og Durita Hummeland skoraðu málini fyri KÍ

KÍ-kvinnurnar fóru síðani beinleiðis til Runavíkar at hyggja eftir NSÍ - ÍVB. Tær vistu, at um NSÍ ikki vann, so var føroyameistariheiti ein veruleiki. ÍVB var eisini á odda 2-0, tá 20 minuttir vóru leiktir við málum frá royndu Mary Ann Zachariassen og Jacobu Langgaard. Monika Sumberg Samuelsen fekk munkað um munin í 62 minutti, og Margunn Lindholm javnaði djúpt inni í yvirtíðini.

Hetta var tó ikki nóg mikið hjá NSÍ í mun til at halda fast í teoritiska møguleikanum at fáa fatur á KÍ, og tann møguleiki hevði allíkavæl farið burtur skjótt. NSÍ kann nú fáa 24 stig - hevur átta dystir eftir - men hevur 25 stig upp til suverna oddaliðið, ið nú er føroyameistari.

Hetta er annað meistarheiti á rað hjá KÍ og nummar 19 í hesari øldini, har 17 tey fyrstu komu upp í slag (2000-2016) Samanlagt hevur KÍ vunnið tjúgu FM-heiti í bestu deildini hjá kvinnum. Tað fyrsta kom í 1997.

Í komandi mánaði skulu KÍ-kvinnurnar royna seg í Champions League. Í vetur skal liðið hjá Aleksandar Djordjevic royna at vinna The Double, og í KÍ er tað helst sera stór motivatión eftir at vinna allar tjúgu dystirnar í Betrideildini. 

Á Eiði vann EBS/Skála, fyri aðru ferð í ár, tepurt á HB. Lea Lisberg skoraði einsamalla málið í dystinum, ið kom beint fyri steðgin.

Støðan í Betrideildini hjá kvinnum: 

Kelda: FaroeSoccer

14. umfar
30.08
B36 - KÍ 0-5(0-1)
NSÍ - ÍVB 2-2 (0-2)
EBS/Skála - HB 1-0 (1-0)