Kvinnuunglingar: SÍ føroyameistari

SÍ vann enn einaferða gull, tá sørvingar, í einum spennandi dysti í finaluni hjá Kvinnuunglingum, vunnu á KÍF. 

Tá skift varð síðu í 5 setti, førdi KÍF við tveimum stigum, men sigursvandu SÍ genturnar tøku seg síðani spakuliga inn á KÍF, og endin varð, at SÍ vann sera spennandi settið 15-13. Munurin millum liðini var bara, at ein flogbóltsdystur kann ikki enda við javnleiki!

Eisini fyrsta settið var sera javnt og endaði 28-26, men samanumtikið ein sera væl leiktur dystur, og sera góður stemningur í høllini í Trongisvági.

Kvinnuunglingar: 

SÍ – KÍF, 3-2 (28-26, 25-17, 23-25, 21-25 og 15-13)

Bestu leikarar vóru:

Eva Gunn Niclasen, SÍ

Jakobina Joensen, KÍF

Jakobina Joensen, KÍF og Eva Gunn Niclasen, SÍ. (Mynd: Flogoltssamband Føroya)