Lawal til Argir at spæla

Adeshina Lawal, sum seinastu 7 árini hevur spælt fótbólt í Føroyum, tekur komandi ár eitt tørn á liðnum hjá AB, har hann hevur gjørt sáttmála fyri komandi kappingarár. 

Hesum boðar Argja Bóltfelag frá á heimasíðu sínari í kvøld.

Doris V. Rasmussen, forkvinna í AB, og Adeshina Lawal (Mynd: Ab.fo)

Adeshina hevur skotið fitt av málum í karrieru síni, og vónandi vera nøkur mál skotin afturat í AB-búnanum komandi ár, vónar argjafelagið.

Adeshina Lawal hevur spælt fyrst 2 ár við B36 og síðani 2 ár við ÍF og 3 ár við Víkingi.