Ingi Samuelsen
Argentinski fótbóltsspælarin, av nógvum mettur sum besti fótbóltsspælari nakrantíð, Diego Armando Maradona, er deyður 60 ára gamal.
Fleiri evropeiskir miðlar endurgeva í dag argentinska miðilin El Clarin fyri tíðindini.
Diego Maradona skal vera deyður av einum hjartatilburði í heimi sínum í býnum Tignes.
Maradona vann heimsmeistaraheitið við Argentina í 1986 og hevur víst síni kynstur á fótbóltsvøllinum fyri eitt nú Barcelona í Spania og ikki minst í Napoli í Italia.
Hann vaks upp í fátæksligum umstøðum í Villa Fioroto í Buenos Aires-landslutinum. Hann fekk fyrsta sáttmála sín sum professionellur leikari við Argentina Juniors í 1976.
Í filminum “Diego Maradona” greiðir hann frá, at hann keypti hús fyri fyrstu lønina hann fekk, so at familjan kundi flyta inn.
Vinarliga broyt tínar kennifíla - og privatlívsstillingar fyri at síggja hetta innihald