Meinhard gjørdi hattrik uppá átta minuttir

Mjøndalen hevur verið í einari tungari gongd, og undan heimadystinum móti Sandnes Ulf í gjár hevði liðið bert vunnið vunnið ein dyst í tríggjar mánaðir.

Hetta varð væl og virðiliga broytt í gjár, og tað var serliga hattrikki hjá Meinhardi Egilssyni Olsen, sum legði lunnar undir 4-1 sigurin. 

25-ára gamli vongleikarin gjørdi hattrikk, og tey trý málini komu innan bert átta minuttir. Meinhard smekkaði bóltin í netið í 12. minutti, økti fimm minuttir seinni, tá hann setti seinasta fótin á vælleikr álop og í 19. minutti vann hann bóltin av Sandnes Ulf-verjuleikara og var kaldur, tá hann inn í brotsteigin. 

Í málunum vísti føroyski landsliðsleikarin sína ferð, styrki, eitt evni at vera kaldur í avgerandi støðum og eitt gott innstinkt. Meinhard Olsen hevur nú skorað seks mál í 22 dystum í næstbestu norsku deildini í ár, umframt at hann hevur lat upp til fimm mál.

Mjøndalen er á 10. plássi við 30 stigum fyri 22 umfør, og hóast eina ringa gongd í eina tíð liggur liðið bert trý stig frá at enda í play-off bólkinum til uppflyting.

Til ber at síggja hattrikkið hjá Meinhardi og hæddarpunktini frá dystinum, sum endaði 4-1, á heimasíðuni hjá obos-ligaen.

Føroyski U21-landsliðsleikarin Gullbrandur Øregaard varð skiftur inn fyri Sandnes Ulf, tá hálvur tími restaði í, í gjár. Hann fekk eitt gult kort