Oyggjaleikir 2019

Myndir frá skjótibreytini í dag

Skeet-skjótarnir eru nú lidnir. Trap-skjótararnir hava tvær einstaklingakappingar eftir.

2019-07-10 14:15 Author image
Ingi Samuelsen
placeholder

Fyri løtu síðani kappingin í leirdúgvukappingini 'olympic skeet' avgjørd við Mariusi Joensen sum tryggum gullvinnara.

Tórur Fløtt, sum vann gull saman við Mariusi í liðkappingini, gjørdist nummar fimm.

Les eisini: Marius Joensen vann sannførandi í skeet

Nú er kappingin í  'automatic ball' í trap-skjóting byrjað. Tann kappingin verður ikki avgjørd fyrr enn í morgin. Við í hesi kappingini eru Finn Ludvig og Alex Johannesen.

Alex Johannesen fekk góða byrjan. Misti fyrstu dúgvuna, og rakti síðan 24 á rað. Hann og ein annar hava lagt seg á odda við 24 dúgvum. Teir skulu skjóta fimm røðir í dag og í morgin áðrenn finalan fer í gongd.

Alex og Finn gjørdust nummar 8 í liðkappingini í hesi greinini. Í hinari trap-kappingini, 'olympic trap', gjørdust teir nummar fýra. Teir skulu eisini luttaka í einstaklingakapping í 'olympic trap'.

placeholder
placeholder