Fótbóltur

Myndir: Skert landslið hevði fyrstu venjingina á Tórsvølli í kvøld

A-landsliðið hevði í kvøld sína fyrstu venjing fram ímóti teimum trimum landsdystunum næstu dagarnar. Men tveir leikarar eru farnir í sóttarhald, meðan tveir aðrir bíðaðu eftir svar upp á koronutest.

John Frederiksen

John Frederiksen

2021-08-30 20:05 Author image
Sverri Egholm
placeholder

A-landsliðið hjá monnum kom saman í dag til landsdystirnar, sum verða næstu dagarnar. Og í kvøld var fyrsta venjingin.

Men tað verður uttan vinstru bakkararnir Ára Mohr Jónsson og Viljorm Davidsen. Í flogfarinum til Føroya í morgum sótu teir saman við einum persóni, sum seinni er testaður positivur við koronu.

Tveir aðrir, sum heldur ikki vóru við til venjingina í kvøld, vóru Jóan Símun Edmundsson og Gilli Rólantsson, sum bíðaðu eftir úrsliti upp á koronutest. Teir vóru noyddir at njóta góðu umstøðurnar á Tórsvølli frá áskoðaraplássunum.

Hørður Askham er komin inn í hópin fyri Rógva Baldvinsson, sum hevur meldað avboð.

Sí myndirnar frá venjingini:

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder