Norðmenn hertóku Times Square enn einaferð

Norðmenn í stórum tali hava í hesum døgum sett kós vestur í hav og eru savnaði í New York-økinum undan áttandapartsfinaluni, sum skal spælast móti Brasil í kvøld klokkan 21.

Eins og undan dystinum móti Senegal fyri tveimum vikum síðan, hertóku norðmenn Times Square á Manhattan í gjár.

Hetta var gjørt við eyðkenda "Ro" herrópinum sum vóru tey umborð á einum víkingaskipi.

Herrópið hjá norðmonnum hevur vakt ans í hesum HM-endaspælinum.

Áttandapartsfinalan millum Brasil og Noreg byrjar klokkan 21 føroyska tíð og sæst á TV2 og TV2 Play. Klokkan 1 í nátt hittast Meksiko og England í áttandapartsfinalu. Tann dysturin sæst á DR1 og DRTV.