Agnar Prestá
Upplivingin hjá NSÍ á Pittodrie leikvøllinum var ikki góð. Tað sá annars gott út í 35 minuttir, men so gekk galið.
Lewis Ferguson legði Aberdeen á odda, og fimm minuttir seinni var 2-0, tá heimaliðið slapp alt ov lætt ígjøgnum í vinstru síðu hjá NSÍ, og Curtis Main stóð púra einsamallur í fimm-metrinum.
Tað gekk ikki long tíð í 2. hálvleiki, til bólturin aftur lá í netinum aftanfyri Tórð Thomsen. Tað var innskifti Ryan Hedges, ið sló til, og hann gjørdi hattrikk - eftir at liðið hjá Glenn Ståhl hevði hildið Aberdeen frá at skora í áleið 25 minuttir, setti Hedges punktum við brotssparki
NSÍ hótti sera sjáldan og hevði einki skot á mál. Aberdeen sat á dystinum, og eins og ímóti Hibernian (bæði úti og heima) lat NSÍ seks mál inn. Runavíkingar skrivaðu søgu í seinastu viku, og skulu nú venda eyguni móti Betrideildini aftur.
Aberdeen - NSÍ 6-0 (2-0)
Pittodrie Stadium, Aberdeen - 27.08
1. umfar í Europa League
37' Lewis Ferguson 1-0
43' Curtis Main 2-0
50' Ryan Hedges 3-0
59' Ryan Hedges 4-0
63' Jonathan Hayes 5-0
87' Ryan Hedges (br.) 6-0
Vinarliga broyt tínar kennifíla - og privatlívsstillingar fyri at síggja hetta innihald