Richard Goffe nýggjur høvuðsvenjari hjá B71

B71 boðar í morgun frá, at eftir drúgva leitan og nógvar samrøður er nýggjur høvuðsvenjari funnin.

Um Richard Goffe skrivar B71, at hann verður 38 ára gamal fyrst í januar og er breti, upprunaliga úr London. Hann hevur drúgvar venjararoyndir; m.a í Reading og QPR.

Seinastu tvey árini hevur Goffe havt venjarastarv á Vestmannaoyggjunum í Íslandi, har hann hevur starvast sum venjari hjá kvinnuliðnum hjá ÍBV. 

Sáttmálin bleiv undirskrivaður í gjárkvøldið og er galdandi fyri komandi tvey árini.