Fótbóltur

Ronald Koeman koyrdur sum venjari

FC Barcelona hevur bert funnið tveir av seinastu sjey dystunum. Tapti móti Rayo Vallecano í gjárkvøldið.

(Mynd: EPA)

(Mynd: EPA)

2021-10-28 06:58 Author image
Ingi Samuelsen
placeholder

Eftir eina røð av vánaligum úrslitum, er niðurlendingurin Ronald Koeman nú givin sum venjari í spanska fótbóltsfelagnum FC Barcelona.

Tað upplýsir felagið í tíðindaskrivi eftir at liðið í gjárkvøldið tapti 0-1 móti Rayo Vallecano í La Liga, skrivar Ritzau.

- Forsetin í felagnum, Joan Laporta, kunnaði Koeman um avgerðina eftir ósigurin móti Rayo Vallecano, upplýsir felagið í skrivinum, har tað verður lagt afturat, at Ronald Koeman fær høvu til at siga spælarunum farvæl á Ciutat Esportiva venjingarvøllinum seinnapartin í dag. Felagið ynskir eisini Koeman góða eydnu í hansara víðari starvsleið.

Avgerðin um at koyra Ronald Koeman frá kemur eftir eina røð av vánaligum úrslitum, har tað bert er eydnast Barcelona at vinna tvær ferðir í sjey teimum seinastu dystunum. 

58 ára gamli Ronald Koeman spældi sjálvur við FC Barcelona í árunum 1989 til 1995. Áðrenn hann gjørdist venjari hjá Barcelona í fjør var hann niðurlendskur landsliðsvenjari.

placeholder
placeholder