Agnar Prestá
Aleksandar Lacok - vansliga nevndur Sasha - hevur seinastu árini gjørt vart við seg í Neistanum og á ungdómslandsliðunum. Sasha hevur eisini umboðað VÍF sum yngri. Nú tekur hann fetið til Svøríkis.
Lugi Handboll boðar í kvøld frá, at man hevur tryggjað sær ein spennandi spælara frá góða honddbóltsumhvørvinum í Føroyum.
Aleksandar Lacok verður lýstur sum ein málverji við nógvum royndum fyri sín unga aldur, og ein sum er seriøsiur og væl fyri tekniskt og kropsliga. Í føroyinginum, sum eisini hevur serbiskar røtur, væntar felagið sum kann verða partur av besta málverjuparið í Allsvenskan. Hetta saman við Oskari Arnell.
Allsvenskan er næstbesta svenska mansdeildin. Lugi endaði aftast í bestu deildin hetta kappingarárið. Stolta felagið úr Lund í Skåne vil helst flyta beint uppaftur.
- Eg eri ógvuliga glaður fyri at hava skrivað undir við Lugi. Eg havi hoyrt nógv góð ting um felagið, og hvussu tað arbeiðir við ungum spælarum. Eg gleði meg at menna meg víðari har, sigur Sasha við heimasíðu felagsins.
Aleksandar Lacok skal í summar við føroyska U20-landsliðnum til EM. Síðani byrjar tilveran í Svøríki hjá unga spennandi málverjanum.
Vinarliga broyt tínar kennifíla - og privatlívsstillingar fyri at síggja hetta innihald