Sheffield Wednesday sendi Newcastle út

20 dystir eru spældir, ein er í gongd nú, og ein varð avlýstur. FA Cup-fótbóltur hevur verið síðani klokkan 12.30. Ein av dystunum, ið skuldi byrja tá tíðliga seinnapartin, varð útsettur, tí ov nógv vatn var á leikvøllinum hjá Forrest Green - hann kallast "The New Lawn". Liðið spælir til dagliga í triðbestu deildini og noyðist at taka ímóti Birmingham ein annan dagin.

Annars hevur gingið væl at avgreiða dystirnar í 3. umfari í heimsins elstu steypakapping. Byrjað varð millum annað við 1-0 sigrum til Premier League stórfavorittar: Tottenham heima móti Portsmouth úr triðbestu deildini og Leicester úti móti Gillingham úr fjórðbestu deildini. Kane og Ihenachio "bjargaðu" sínum liðum. Í Premier League uppgerðini millum Crystal Palace og Southampton vann síðstnevnda 1-2. 

Flestu dystirnir byrjaðu klokkan 15, og har hendi nógv ymiskt. Tað gekk heilt væl hjá National liðunum úr National League, sum er beint niðanfyri fýra tær ovastu deildirnar, ið eru undir "Football League" skipanini.

Boreham Wood liggur mitt á stigatalvuni har og fekk javnleik móti Accrington Stanley úr triðbestu deildini. Tað var um reppið, at Chesterfield vann á West Bromwich úr The Championship. Heimaliðið úr National League var á odda 3-2, tá farið var inn í yvirtíðina, men so javnaði Brandon Thomas-Asante. Harvið er neyðugt við nýggjum dysti millum Chesterfield og West Bromwich. Tað verður tað ikki millum Wrexham og Coventry, ið eisini spældu ein heilt undirhaldandi dyst. Walisiska liðið vann á útivølli móti liðnum, ið spælir tríggjar deildir omanfyri og sum gamaní fekk eina útvísing - men tá var longu 3-1 til liðið, ið Gunnar Nielsen spældi nakrar dystir fyri i í 2009.

Fagnaður á Wrexham-leikarunum í Coventry

Nøkur lið sendi lið úr einari hægri deild út, og tvey Champinship lið vunnu á Premier League-liðum. Hetta var tó ikki so óvæntað, tá talan er um Bournemouth og Nottingham Forest, ið fluttu upp síðsta summar og sum stríðast í fremstu deildini. Tó var tað meira óvæntað, at Championship-botnliðið Blackpool vann heili 4-1 á Forest, enn at og Burnley spældi væl og vann í Bournemouth. Liðið hjá Vincent Kompany liggur í løtuni til uppflyting til Premier League.

Fulham og Brighton sendu Championship-lið út - hjá Newcastle eydnaðist ikki eins væl móti lægri liðið. Málleyst var í steðginum í Sheffield, men í seinna hálvleiki skoraði miðvallarin Josh Windass tvær fyri Wednesday, áðrenn Bruno Guimaraes svaraði aftur. Eftir hetta hevði liðið hjá Eddie Howe tjúgu minuttir pluss átta í yvirtíðini at javna, men liðið úr triðbestu deildini helt fast móti liðnum á triðja plássi í Premier League.

Í løtuni spæla tvey Premier League-lið í seinasta dystinum  í kvøld. Wolves og Liverpool hava skorað hvør sítt mál á  á Anfield - tað hjá útiliðnum kom eftir stórt mistak frá Liverpool-málverjanum, Allison Becker, og 1-1 málið stutt fyri steðgin eftir frálíkt innlegg frá Trent Alexander-Arnold og eina trygga innarusíður frá Darwin Nunez.

FA Cup 3. umfar
Í dag - leygardagin 07.01

12.45: 
Forest Green  Birmingham Útsettur
Crystal Palace - Southampton 1-2
Gillingham - Leicester 0-1
Preston - Huddersfield 3-1
Reading - Watford 2-0
Tottenham - Portsmouth 1-0

15.00: 
Blackpool - Nottingham Forest 4-1
Boreham Wood - Accrington 1-1
Bournemouth - Burnley 2-4
Chesterfield - West Bromwich 3-3
Fleetwood - Queens Park Rangers 2-1
Hull - Fulham 0-2
Ipswich - Rotherdam 4-1
Middlesbrough - Brighton 1-5
Millwall - Sheffield United 0-2
Shrewsbury - Sunderland 1-2

17.30: 
Brentford - West Ham 0-1
Coventry - Wrexham 3-4
Grimsby - Burton Albion 1-0
Luton - Wigan 1-1

18.00: 
Sheffield Wednesday - Newcastle 2-1

20.00: 
Liverpool - Wolves (1-1)