Skal leggja lunnar undir góðu gongdina í Tjaldrinum

Hondbóltsfelagið Tjaldur hevur longt stuðulsavtaluna við P/F Wenzel fyri eisini at vera galdandi næsta kappingarár.

- Sum ein av høvuðsstuðlum felagsins, hesi seinastu árini og komandi ár, er P/F Wenzel, við at leggja lunnar undir ta góðu gongdina í virksemi okkara og framhaldandi menningina av felagnum, sigur felagið.

Hondbóltsfelagið Tjaldur er hondbóltsfelagið á eystara armi av Skálafjørðium, og varð stovnað í 1998, og gjørdist føroyameistari í bestu kvinnudeildini í 2009, og vann steypakappingina hjá kvinnum í 2011.