Skúlavitjan og venjing fyri summar

Eftir eitt hádramatiskt kvøld í Hoyvíkshaganum í gjár, er nú ein ikki heilt vanligur hósdagur fyri framman hjá føroysku landsliðsspælarunum.

Sí eisini: Skúlavitjan og venjing fyri summar

Eftir nakað av svøvni er tað fyrsta á skránni í dag ein skúlavitjan. A-landsliðni hava so at siga altíð minst eina slíka, tá tey eru saman, og í dag er tað í Eysturskúlanum í høvuðsstaðnum, at næmingarnir sleppa at heilsa uppá hondbóltshetjur sínar.

Hetta er frá 10.30 og umleið ein tíma fram. Harfrá fara spælaranir beinleiðis niðan í Høllina á Hálsi, har tikið verður saman um dystin í gjár, umframt at hondbóltsvenjing fyri fleiri. Teir sum spældu nógv skulu helst ikki gera so nógv - fleiri plaga at súkkla og møguliga styrkivenja nakað.

Føroyska liðið hevur síðani ikki nakað á sjálvari skránni restina av degnum - spælararnir kunnu taka sær nakað av løttum saman við familju og vinfólki.

Seinnapartin í morgin, fríggjadagin, gongur leiðin til Niðurlond. Seinni dysturin millum liðini verður spældur sunnudagin klokkan 14 føroyska tíð.

Portalurin verður eisini við á ferðini til Amsterdam-økið.