Skulu royna seg í trimum hálvfinalum í morgin

Føroyingar sleppa í morgin at royna seg í hálvfinalum í einmansleiki. Tað er greitt eftir dagsins dystir.

Bartal Poulsen vann í dag fjórðingsfinaluna 2-0 móti Albert Navarro Comes av Menorca. Rannvá D. Carlsson vann trygt 2-0 móti Chloe Le Tissier úr Guernsey meðan Gunnvá Jacobsen vann 2-1 móti Sara Jacobsen úr Grønlandi.

Hálvfinalurnar verða leiktar soleiðis
Jessica Li - Rannvá Djurhuus Carlsson (kl. 9 fø tíð)
Getter Saar - Gunnvá Jacobsen (kl. 9 fø tíð)
Mark Constable - Bartal Poulsen (kl. 9 fø tíð)

Blandaðir tvímansleikir eru eisini á skránni hjá badminton í morgin.

Gunnvá Jacobsen og Rannvá D. Carlsson her í tvímansleiki (Mynd: Sverri Egholm)