Hondbóltur

Spæla helst á heimavølli móti Kekkia 6. januar

Síðani skulu føroysku menninir til Prag at spæla. Ivasamt er, um áskoðarar sleppa inn til fyrsta dystin í hesari EM-undankappingini, ið landsliðið nú av álvara er í gongd við at fyrireika seg til.

Jónas G. Djurhuus verður helst at síggja í landsdysti í Høllini á Hálsi um tvær vikur (Mynd: Sverri Egholm)

Jónas G. Djurhuus verður helst at síggja í landsdysti í Høllini á Hálsi um tvær vikur (Mynd: Sverri Egholm)

2020-12-23 08:41 Author image
Agnar Prestá
placeholder

Í gjár vandi A-landsliðið hjá monnum í Hoyvíkshøllini, umframt at testir saman við fysiska venjaranum, Hera Ziska. Millum aðrar manglaðu leikararnir ið spæla í Noreg orsakað av sóttarhaldi, men liðið er av álvara byrjað uppá fyrireikingarnar til báðar EM-undandystirnar móti Kekkia.

Dystirnir verða teir fyrstu í undankappingini til EM-endaspælið í 2022. Teir skuldu upprunaliga verða leiktur fyrst í november, men koronastøðan og koronareglurnar í Kekkia forðaðu fyri tí.

[object Object]
Mynd: Hondbóltssambd Føroya

Dystirnir eru lagdir til 6. januar í Føroyum og 9. januar í Kekkia. Tað vil siga, at um alt gongst eftir ætlan, so vitjar kekkiska liðið, ið skal til HM-endaspælið í Egyptalandi seinni í januar mánaði, í Føroyum um tvær vikur.

Hondbóltssambandið hevur fingið undantaksloyvi til at hýsa dystinum í Høllini á Hálsi. Tað er tó framvegis óvist, um áskoðarar sleppa til dystin.

Hondbóltssambandið skrivar, at landsliðið, ið næstan ikki hevur verið savnað í ár, verður nógv saman millum jól og nýggjárs og fram til dystirnar.




placeholder
placeholder