Hondbóltur

Spæla í Íslandi í morgin og leygardagin

Fyrri fyrireikingardysturin til EM byrjar klokkan 19.30 í morgin, og leygardagin verður bríkslað í gongd klokkan 17.30 í Laugardali. Kringvarpið vísir báðar dystirnar.

Allan Norðberg og hinir fara á flog til Íslands í morginárini (Mynd: Sverri Egholm)

Allan Norðberg og hinir fara á flog til Íslands í morginárini (Mynd: Sverri Egholm)

2023-11-02 17:14 Author image
Agnar Prestá
placeholder

Fyrireikingarnar til EM-endaspælið er av álvara farið í gongd, og eftir nógvar venjingar saman í Føroyum gongur leiðin í morginárini til Reykjavíkar,  har manslandsliðið skal spæla tveir fyrireikingardystir móti Íslandi.

Kringvarpið vísir dystirnar, ávikavist á netinum fríggjadagin og í sjónvarpinum leygardagin. Í morgin, 3. november, byrjar dysturin klokkan 19.30. Seinni dysturin verður leygardagin 4. november klokkan 17.30.

Báðir dystirnir verða í Laugardalshøllini í Reykjavík. Ísland fyrireikar seg eisini til EM og møta teir við sterkastu manning.

Kelda: Hondbóltssamband Føroya

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder