StÍF nýggja nevnd

Tveir nevndarlimir stóðu fyri vali á aðalfundinum hjá StíF í gjárkvøldið.

Eftir fýra ár í nevndini valdi Rúni Rasmussen at takka fyri seg. Hann var fyrstu trý árini formaður í felagnum, men valdi í fjør at lata staffettina víðari til Ega Gothard Danielsen.

Nevniliga Egi Gothard Danielsen stóð fyri vali í ár, og hann varð afturvaldur.

Nýggj í nevndini er Jóna Victoria Tórðardóttir Bærentsen.

Nevndin hjá StÍF sær sostatt soleiðis út
Egi Gothard Danielsen, formaður
Ann Berg Christensen, næstforkvinna
Suni Ernstsson, kassameistari
Sára Mrdalo, skrivari
Ólavur í Geil, nevndarlimur og varaskrivari
Simona Paula á Fríðriksmørk, nevndarlimur og samskipari
Jóna Victoria Tórðardóttir Bærentsen, nevndarlimur
Alexandur Johansen, tiltakslimur

Fitt av fólki varð møtt upp til aðalfundin. Áleið 25 í tali, verður sagt av Strondum (Mynd: StÍF)