Stjørnan fingið málverja úr Grønlandi

Seinasta kappingarár endaði Stjørnan aftast í SMS-deildini. Liðið var tó væl við í nógvum dystum og var nær við at spæla seg í hálvfinalurnar í steypakappingini.

Tað var fyri tað mesta Birita Ryan, ið vardi málið hjá Stjørnuni. Men 18-ára gamla klaksvíkskvinnan er landsliðsleikari í fótbólti og varð í fjør kosin ársins verjuleikari í Betrideildini. Tað er fótbólturin, ið er fremstur hjá Biritu, og Stjørnan hevur leitað eftir nýggjum fyrstamálverja.


Birita Ryan til EM-kapping á U19-landsliðnum...


...hon hevur tó uppaftur betri dygdir sum fótbóltsleikari (Mynd: Sverri Egholm)

Málverjin er nú funnin. Talan er um Rinu Møller Lorentzen, sum kemur úr grønlendskum hondbólti. Hon er 30-ára gomul og hevur seinast spælt við NûK í bestu deildini í Grønlandi.

Stjørnan skrivar í samband við skiftið, at Rina Møller Lorentzen eisini hevur royndir úr næstbestu donsku deildini, Í mai varð hon úttikin út til grønlendska bruttohópin til HM-undankappingardystirnar í august.