Teis gjørdist aftur toppskjútti

Uppflytingarmøguleikin hjá Aarhus HC er lítil, men í gjár vann liðið greitt á einum av botnliðunum, Vendsyssel. Harvið er føroyingafelagið nú á 6. plássið í næstbestu donsku deildini.

Støðan í 1. Divison - nummar eitt fer beinleiðis upp og nummar tvey og trý sleppa at spæla um tað. HØJ hevur Róa Berg Hansen og Paula Jacobsen á liðnum (Mynd: hbold.dk)

Tað gongur væl persónliga hjá Teis Horn Rasmussen. Í síðstu viku gjørdist hann toppskjútti móti Tønder við sjey málum, og í gjárkvøldið skoraði 27-ára gamli føroyski strikuspælarin átta mál -flest av øllum.

Teis er umráðandi í bæði álopi og verju hjá Aarhus HC. Hann mannar vanliga miðverjuna saman við Petur Krogh. Í gjár fóru bert 23 mál inn í greiða sigrinum á Vendsyssel (31-23).

Leygardagin spælir Aarhus á útivølli móti Rækker Mølle.