Fótbóltur

Teitur Jóannesarson aftur á Argjum

Høgi 31-ára gamli miðverjin hevur spælt 150 dystir í 1. deild. Seinastu árini hevur argjamaðurin havt sín heimavøll í Hoyvík.

Teitur hevur spælt 136 dystir fyri AB (Mynd: Argja Bóltfelag)

Teitur hevur spælt 136 dystir fyri AB (Mynd: Argja Bóltfelag)

2021-03-04 18:11 Author image
Agnar Prestá
placeholder

Teitur Jóannesarson er aftur á Argjum, eftir at hann hevur verið hjá FC Hoyvík seinastu árini.

Hesum boðar AB frá í dag.

Miðverjin kom á besta liðið hjá AB í 2008. Hann hevur spælt við felagnum í tilsamans niggju ár í vaksnamannadeildunum - talan er um 136 dystir

Í 2016 og eisini seinastu trý árini hevur Teitur havt heimavøll við hoyvíkingum. Í 2019 var tað í 2. deild, har hann fekk ellivu mál - tey allarflestu frá brotssparksblettinum.  

Teitur Jóannesarson fyllir 32 ár í hesum mánaðinum, hann hevur spælt 150 dystir í 1. deild, so tað er ein royndur leikari, ið kemur inn í unga hópin hjá AB, sum leygardagin setur hol á kappingarárið í 1. deild við dysti móti hinum niðurflytaranum, Skála, á Argjum
placeholder
placeholder