![placeholder](https://roysni.fo/css/img/banner2x1.png)
16 ára gamli Dávid Reynheim kann vera á veg til italska Seria A felagið Torino.
Fyri in.fo váttar HB, at hava fingið eitt boð, sum felagið hevur góðtikið.
- Nú er tað upp til partarnar at samráðast víðari, men vit eru nøgdir við okkarapart, sigur Símun Samuelsen, ítróttarstjóri hjá HB, við in.fo.
Í HB gleðast tey eisini um, at spælarar í felagnum fáa slíkar møguleikar, sigur hann.
Áleyparatalentið hjá HB gjørdi fyri fyrstu ferð um seg í vaksnamannafótbólti í stórsteypadystinum móti KÍ fyrr í ár, tá hann skoraði til 3-1 til HB.
Hann er skrásettur fyri átta dystir fyri besta mansliðið hjá HB í ár.
Dávid Reynheim er sonur navnframa Kára Reynheim, sum var partur av landsliðnum í 80'unum og 90'unum.
Vinarliga broyt tínar kennifíla - og privatlívsstillingar fyri at síggja hetta innihald