Trý lið kappast nú um fjórða plássið

Tríggir dystir vórðu leiktir í bestu hodbóltsdeildini hjá kvinnum um vikuskiftið. Spenningur er um fjórða plássið

Ein dystur varð leiktur í gjár. Neistin tók í ímóti Stjørnuni í Høllini á Hálsi, og har var ongantíð nakar ivi um. Allan dystin vóru neistakvinnur á odda við nøkrum málum, og sum fráleið gjørdist munurin bara størri. Úrslitið gjørdist 26-22 í einum dysti, har hálvleiksstøðan var 13-9 til Neistan.

Seinnapartin í dag var lagt upp til veruligt brak í Høllini á Hálsi har H71 sum liggur á øðrum plássi í deildini og Kyndil sum liggur á fyrsta plássi hittust. Tað var tó H71, sum var omaná tá avtornaði, og vann dystin við tveimum málum 26-24. Kyndil hevði annars eina eittmáls leiðslu í hálvleikinum tá støðan var 12-11.

Mest óvæntaða úrslitið kom í Vági. VÍF á fjórða plássi var á vitjan hjá VB, sum við einum sigri í dag kundi blanda seg upp í stríðið um fjórða plássið. Vestmannakvinnur vóru á odda tá liðini fóru til hálvleiks, 17-15, men eitt effektivt VB-lið í seinna hálvleiki hevði við sær, at tær bláu og reyðu úr Vági vunnu við trimum málum, 26-23.

Sostatt kemur VB upp á átta stig, og nærkast av álvara StÍF og VÍF, sum kappast um fjórða plássið.

Úrslit
Neistin - Stjørnan (26-22)
Kyndil - H71 (24-26)
VB - VÍF (26-23)

SMS kvinnur
1. Kyndil (20 stig)
2. H71 (19 stig)
3. Neistin (16 stig)
4. VÍF (10 stig)
5. StÍF (9 stig)
6. VB (8 stig)
7. Stjørnan (2 stig)