Fótbóltur

Tvey steyp til B36 eftir málríkar dystir móti Víkingi

Finalurnar hjá U13-dreingjum og U15-dreingjum vóru als ikki óahugaverdar. B36 dró longra stráðið í báðum - Marcus Klein Danielsen hjá U15 er higartil heilt stóri spælarin á degnum við fýra málum í 5-3 sigrinum.

U17-finalan var ógvuliga undirhaldandi við seks málum í 1. hálvleiki og átta samanlagt. B36-dreingirnir syrgdu fyri reinum steypahattrikki til felagið - teir liggja í løtuni til FM eisini (Mynd: B36)

2024-10-05 16:34

Agnar Prestá

Tvær av dagsins fýra finalum á Tórsvølli eru lidnar, ein er í gongd, og finalan hjá kvinnum verður í kvøld klokkan 18.30

Sí eisini: Nú skulu eysturoyarfeløgini stríðast um steypið

Dreingjafinalur hava verið á breddanum, og bæði hjá U13 og U15 vann B36 á KÍ.

Í fyrstu finaluni, í heldur keðiligum veðri og á hálvum vølli, var B36 á odda so at siga allan dystin. Víkingur gav tó ongantíð upp og fekk spenning í móti endanum. Tað endaði 3-2 til ungu B36'arnar.

Rókur Reginsson og Jóhannis í Stórustovu gjørdu hvør sítt mál - eitt var sjálvmál. Rúnar Næs, sum fleiri ferðir vísti sínar teknisku dygdir væl fram, varð kosin dagsins spælari.

Stórur fagnaður hjá øllum teimum, sum eru knýttir at U13 hjá B36 (Mynd: B36)

Víkingur er í øllum finalunum í dag, man B36 er eisini umboðað í samanlagt fýra steypafinalum í ár. Í gjár vunnu U13-genturnar eisini, 1-0 á 07 Vestur/MB, og seinnapartin syrgdu U15-dreingirnir fyri reinum hattrikki hjá B36.

Tað var annars Víkingur, sum byrjaði betri og legði seg á odda við brotssparki í fyrsta álopinum. B36 svaraði aftur við máli frá Axeli Holm Simonsen, síðani bleiv 2-1 við flottum Víkinga máli, áðrenn B36 og serliga Marcus Klein Danielsen av álvara komu í gongd.

Marcus skoraði tey næstu fýra málini í dystinum, millum annað eitt við snildum beinleiðis hornasparki, og vongurin úr Runavík vísti fleiri ferðir sínar eysýndu dygdir á vinstra vongi.

Tað var 4-2 í steðginum, og stutt inn í seinna hálvleik økti Marcus Klein Danielsen, sum sjálvandi gjørdist dagsins spælari. Víkingur minkaði um munin við einum flottum máli, men tað varð ikki tættari enn 5-3. Liðið hjá Sorin Anghel kundi lyfta steypið og harvið ein heilt góður steypadagur hjá B36.

Steypafinalur 2024

Í dag, leygardagin 5. oktober
U13 dreingir: B36 – Víkingur 3-2 (2-1)
Dagsins spælari: Rúnar Næs

Víkingur – B36 5-3 (4-2)
Dagsins spælari: Marcus Klein Danielsen.

U17 dreingir: KÍ – Víkingur (kl. 15:15)
0-1 í løtuni

Kvinnur: Víkingur – NSÍ (kl. 18:30)

Vinarliga broyt tínar kennifíla - og privatlívsstillingar fyri at síggja hetta innihald