placeholder
Fótbóltur

U15-genturnar góvu Slovenia dygga mótstøðu

Føroyska U15-landsliðið við gentum hevur verið í Slovenia og spælt tveir venjingardystir móti Slovensku gentunum – Tær taptu ávikavíst 2-1 og 4-2.

U15-genturnar, ið hava spælt tveir venjingardystir í Slovenia (Mynd: FSF)

U15-genturnar, ið hava spælt tveir venjingardystir í Slovenia (Mynd: FSF)

2021-11-12 15:07 Author image
Alda Nielsdóttir
placeholder

Seinastu dagarnar hevur føroyska U15-landsliðið við gentum verið í Slovenia, har tær hava spælt tveir venjingardystir.

Fyrri dysturin varð spældur týsdagin, og tá gjørdist úrslitið 2-1 til slovensku genturnar, eftir at Føroyar annars vóru á odda í hálvleikinum.

Malskjútti hjá Føroyum var Eydna Olsen Dalheim.

Seinni venjingardysturin varð so spældur í gjár, og tá vann Slovenia aftur, hesaferð 4-2. Føroyar vóru annars á odda bæði 1-0 og 2-1.

Málini gjørdu Brá Zachariasdóttir og Eydna Olsen Dalheim.

– Tað er einki at ivast í, at vit hava fingið nógv burturúr, og tað er nógv, ið okkara gentur kunnu taka við sær eftir sovorðnar uppgávur. Í avgerandi løtum eru vit kanska ikki nóg neyvar, og tað er millum annað tað, ið vit kunnu læra í hesum dystunum, sigur venjari teirra, Sigtor Petersen, við heimasíðuna hjá FSF.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder