U17: Víkingur vann tætta finalu móti KÍ

Tað eydnaðist ikki hjá U13, og tað eydnaðist heldur ikki hjá U15. Í teimum báðum finalunum vunnu B36-dreingir á dreingjum úr Eysturkommunu, men í U17-finaluni glapp hjá Víkingi móti mótsstøðu longur norðuri frá.

Sí eisini: Tvey steyp til B36 eftir málríkar dystir móti Víkingi

KÍ hevði bóltin nakað meira og royndi at skapa málmøguleikar, men verjuparturin hjá Víkingi var sterkur, og sum heild var liðið vælskipað. Tað var eisini ein miðverji, stinni Jósef Ólavsson, ið fekk heiðurin sum dagsin spælari.

Vanliga stendur Gert Hansen fyri liðnum, men í dag var tað ein núverandi verjuspælari hjá Víkingi, Atli Gregersen, sum stjórnaði frá síðulinjuni. Liðformaðurin hjá besta liðnum hevur eisini havt nógv við hesar dreingirnar at gera.

Tað var sonur Gert, sum skoraði einsamalla málið í dystinum. Hetta var miðskeiðis í fyrra hálvleiki, tá Víkinur hevði fingið yvirtakið. Liðformaðurin hjá Víkingi var til reiðar, tá bólturin stakk til hann í KÍ-brotsteignum og smekkaði til.

Fríði Gertsson Jarnskor hevði løtu frammanundan sett bóltin í netið, men tá varð tað kolldømt fyri rangstøðu. 16-ára gamli miðvallarin hevur í ár spælt nógv í 1. deild, har Víkingur er oddalið.

Framtíðin sær góð út í Eysturkommunu, men nakrir KÍ'arar vístu seg eisini væl fram á degnum. Sum heild ein tættur og til tíðir rótutur dystir, sum var merktur av, at hetta var ein finala.

Móti endanum legði KÍ nógv fyri, og tað gav Víkingi tvær ógvuliga góðar støður at økja. Tað var tó ein lætti á mongu og mælsku Víkinga-fjeppararnum, tá Heri Wang Danielsen, sum avrikaði heilt væl við floytuni, lat hana ljóða á síðsta sinni.

Í dag, leygardagin 5. oktober

U17 dreingir: KÍ – Víkingur 0-1 (0-1)
Fríði Gertsson Jarnskor 0-1

Mynd: Víkingur

U13 dreingir: B36 – Víkingur 3-2 (2-1)
Dagsins spælari: Rúnar Næs

Víkingur – B36 5-3 (4-2)
Dagsins spælari: Marcus Klein Danielsen.

Kvinnur: Víkingur – NSÍ (kl. 18:30)