Úr Føroyum til Bundesliguna

Jóan Símun Edmundsson byrjar væntandi í álopinum, tá Føroyar í dag spæla Nations League-dyst móti Lettlandi á Tórsvølli. Og vónandi eydnast honum at skora.

Men tað, sum Jóan Símun Edmundsson upplivir saman við Arminie Bielefeld í Týsklandi verður mett at vera eitt meira spennandi ævintýr.

Ensktmælta Youtube-kanalin hjá Bundesliguni hevur gjørt ein stuttan film um ferðina av Svangaskarði á Toftum umvegis Newcastle, Viking, AB, HB og OB til Bielefielder Alm, heimavøllin hjá Arminia Bielefeld, sum nú spælir í týsku Bundesliguni.

Í filminum tosa tey við Jóan Símun sjálvan, barndómsvinin André Olsen, fyrrverandi venjaran Bill McLeod Jacobsen og foreldrini Edmund Jacobsen og Ann Poulsen.