Valur var ársins lið í Íslandi í 2024

Hondbóltsmenninir hjá Vali fingu stóra heiðurin sum ársins lið í íslendskum ítrótti á stóra íslendska "ítróttarfagnaðinum" í Hörpuni í Reykjavík um vikuskifti.

Liðið fekk 67 atkvøður og vann frammanfyri millum annað íslendksa fimleikalandsliðið hjá kvinnum, fótbóltslandsliðið hjá kvinnum og kvinnulið Vals.

Niðurstaða kjörs­ins: 

1. Val­ur hand­bolti karla 67
2. Ísland hóp­fim­leik­ar kvenna 53
3. Ísland fót­bolti kvenna 41
4. Val­ur hand­bolti kvenna 30
5. Vík­ing­ur fót­bolti karla 14
6. Ísland körfu­bolti karla 6
7. FH hand­bolti karla  3
8.-9. Breiðablik fót­bolti karla 1
Ísland hand­bolti kvenna 1

Kelda: mbl.is

Á 5. plássi var Víkingur Reykjavík, har Gunnar Vatnhamar spælir. Liðið endaði við silvuri í heimligu kappingunum men megnaði at spæla seg í Conference League-bólkaspæli og eisini víðari frá tí. Harvið var eisini ein leikvíkingur við til at skriva íslendska ítróttasøgu í 2024.

Leirvíkingurin Gunnar Vatnhamar er lyklaspælari hjá Víkingi Reykjavík (Mynd: mbl.is)

Breiðablik, sum Patrik Johannesen umboðaði í fjør, er eisini á listanum. Liðið í Kópavági gjørdist íslendskur meistari.

Hondbóltsmenninir hjá Vali tryggjaðu sær steypagull og søguligt gull í European Cup fyrra helming av farna árið. Allan Norðberg endaði sítt fyrsta kappingarár í felagnum við at skora í brotskastskappingini - undir stórum trýsti - í Grikkalandi. Valur gjørdist hetta dramatiska maikvøldið fyrsta íslendska hondbóltsliðið, sum vann eina evropeiska kapping.

European Cup er triðsterkasta kappingin hjá EHF fyri feløg. Her fegnast Allan og hinir um søguliga og flotta sigurin (Mynd: mbl.is)

Síðani er Bjarni í Selvindi av Skála eisini komin til íslendska høvuðsstaðarfelagið, sum í heyst hevur spælt í næststerkastu evropeisku kappingini og eisini fingið nøkur stig har. Nú eigur Valur so størsta heiðurin fyri eitt íslendskt ítróttarlið fyri 2024.