Fótbóltur

Veddingarfyritøkur: Føroyar eru greiðir favorittar

Landsliðið leggur í dag hond á seinastu fyrireikingarnar til dystin ímóti Andorra týskvøldið.

(Savnsmynd: Sverri Egholm)

(Savnsmynd: Sverri Egholm)

2020-10-12 09:23 Author image
Niels Pauli Danielsen
placeholder

Føroyar eru sambært veddingarfyritøkunum greiðir favorittar at vinna á Andorra týskvøldið. Oddsini uppá ein sigur til Føroyar eru á umleið 1,40 hjá flestu veddingarfyritøkum, meðan ein sigur til Andorra gevur umleið odds 10.

Føroyar hava eisini havt gott tak á Andorra tá liðini hava leikt ímóti hvørjum øðrum. Hóast dystirnir á máltalvuni hava sæð út til at vera javnir, so hevur Føroyska landsliðið verið greitt omaná í flestu førum, tá liðini hava dystast.

Fyrstu ferð Føroyar og Andorra hittust var í einum venjingardysti í 1999. Hesin dysturin endaði 0-0. Liðini hittust tvær ferðir í 2017, tá leikt var í undankappingini til HM í 2018. Tá spældu liðini málleysan javnleik í Andorra, meðan Føroyar vunnu 1-0 á heimavølli.

Í farna mánaði hittust liðini aftur í Andorra. Tá vann Føroyar 1-0, í einum dysti har føroyingar vóru greitt omaná.

Landsliðið leggur á dag hond á seinastu fyrireikingarnar til dystin í annaðkvøld. Landsliðið venur seinni í dag á Tórsvølli, har landsliðsvenjarin eisini hevur tíðindafund og portalurin verður til staðar.

 

placeholder
placeholder