Verður eftir ætlan aftur eitt felag í Klaksvík

Team Klaksvík varð stovnað 12. september í 2006. Tá hevði eingin mans- og dreingjahondbóltur verið í eina tíð. Áður hevði Stjørnan annars havt lið fyri menn, kvinnur, dreingir og gentur.

Harvið hevur hondbólturin verið býttir upp í Klaksvík í yvir 18 ár. Hetta sær heldur løgið út, og nú sær loksins út til okkurt verður gjørt við tað:

- Team Klaksvík og Stjørnan ætla at ganga nýggjar leiðir og menna hondbóltin meira í Norðoyggjum og ætla at leggja kvinnu og manshondbóltin saman og stovna eitt nýtt felag.

Hetta hava bæði feløgini boða frá í skrivi, og í sambandi við ætlanina verður bjóðað inn til kunningarfund mánadagin 17.mars kl.19.00 í skúlastovunum KÍ høllini.

Fundurin er fyri limum og eisini øðrum áhugaðum. 

- Feløgini leggja fram grundgevingar og ætlanir í framtíðini. Møguleiki verður at seta spurningar til nevndarlimirnar.

Stjørnan er als ikki ta stórveldi, sum liðið var um aldarskifti og í 00'unum. Tóra Eliasen er ein av teimum klaksvíkskvinnunum, sum veruliga hevur gjørt vart við seg seinastu árini (Sanvsmynd: Sverri Egholm)