Video: Áki legði upp og var við í nógvum í sigri

Skiftið hjá Áka Samuelsen úr til næstbestu norsku deildini hevur eydnast ógvuiga væl. Sambært hagtølum var 21-ára gamli havnarmaðurin mest effektivi spælarin í OBOS-deildini í fyrru hálvuni.

Tað hevur eisini vakt ans. Sambært norskum miðlum hevur Korona Kielce í bestu pólsku deildini bjóða uppá Áka, men Ranheim hevur í fyrstu syftu sagt nei.

Norska felagið vil hava nakað undir eina millión evru fyri unga føroyingin: Transferfeed skrivar, at kravið er umleið 700.000 - 800.000 evrur. Harvið er talan um skalar seks milliónir krónur.

HB seldi Áka Samuelsen í vetur - hann kann verða seldur víðari um 

Byrjaðu væl eftir summarsteðgin - Áki við í nógvum

Ranheim setti í gjár hol á sína seinnu hálvu í OBOS-deildini. Hetta við heimasigri á ODD, sum í fjør flutti niður úr bestu deildini.

Heimaliðið skoraði eftir 25 minuttir og økti longu í 28. minutti. Í báðum førum var Áki Samuelsen íblandaður:

Fyrst tá føroyski vongurin hevði triðseinasta fót á - hann legði útfrá, og eftir skot  á málverjan fekk Seydina Diop fatur á returbóltinum.

Tað var Áki, sum legði innfyri, tá Jonas Pereira stútaði bóltin í málið til 2-0. Talan var um eitt gott uttaraskrúa hornaspark úr høgru.

Fimta uppleggið hjá Áka Samuelsen í kappingarárinum. 21-ára gamli føroyingurin skapti eisini aðrar góðar støður; millum annað eftir eitt korter tá hann sendi Diop avstað. Áki spældi 91 minuttir, og Ranheim vann 3-1.

Hæddarpunktini siggjast ovast ella her

Liðið er nú á 5. plássi - tvey stig frá beinleiðis plássi. Skeid er á skránni á útivølli hóskvøldið