Hondbóltur

Video: Elias gandar í Svøríki

Svenskir miðlar halda, at hetta kanska er ársins mál í deildini - 18-ára gamli føroyski spælskiparin finnur hegnisliga strikuleikaran í sigri hjá Sävehof í gjár.

Vinarliga broyt tínar kennifíla - og privatlívsstillingar fyri at síggja hetta innihald

2021-02-19 13:37 Author image
Agnar Prestá
placeholder

Hann gjørdi av álvara um seg sum besti leikari, tá føroysku U17-dreingirnir vunnu gull til European Open í Göteborg á sumri í 2019, og nú ger føroyski spælskiparin um seg í bestu svensku mansdeildini.

Bert 18-ára gamli Elias Ellefsen á Skipagøtu vísti aftur í gjár síni kynstur fyri IK Sävehof, ið vann 31-28 á heimavølli móti Redbergsilds.

Serliga var tað framúr góða fríspælingin til strikuleikaran, ið síðan skoraði, sum vakti ans. Málið sæst í sjónbandinum ovast, og TV4 Sporten hevur lagt tað út við spurninginum, um hetta ikki var ársins mál í Handbollsligan. Viðmerkjarnir vóru bergtiknir: 

- Oy,oy,oy,oy,oy! Hyggja hvat hann ger - Harraguð

Føroyska stórtalentið skoraði  sjálvur tvey mál í dystinum. Hetta var sjeyndi sigurin á rað hjá Eliasi og liðfeløgunum. Liðið er á triðja plássi - trý stig aftanfyri oddaliðið Ystads, ið hevur leikt ein dyst fleiri. IK Sävehof hevur fimm dystur eftir at leika í Handbollsligan.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder