Video: Hesin dagurin var væl eydnaður

- Tað er ikki optimalt í vindinum, sigur Heri Ziska um fyrsta dagin hjá frælsum ítrótti á oyggjaleikunum á Gibraltar.

Fyrrapartin vunnu Elisabet Holm Simonsen og Edna Maria Debes seg í hálvfinaluna í 100 metrum, og løtu seinni rann Tórur Mortensen í hálvfinaluna í 800 metrum

Í kvøld gekk eisini væl hjá frælsa ítróttum. Elisabet og Edna Maria luttóku í longdarlopi, og so mikið væl gekk hjá Elisabet Holm Simonsen, at hon slapp víðari í finaluna har hon fekk eitt áttanda pláss.

Vit fingu orðið á Hera Ziska á Lathbury Sports Complex á Gibraltar í kvøld.