Agnar Prestá
AIK móti Djurgården er nakað serligt, og í gjár, sunnudagin 4. mai, varð eisini talan um eina tætta og inntensa Stokhólm-uppgerð.
Djurgården legði seg á odda við einum heldur margháttiligum brotssparki eftir 25 minuttir, men sum so ofta áður í tíðini hjá Mikkjali Thomassen skoraði AIK seint í dystinum.
1-1 málið kom í 83. minutti, tá Antón Salétros smekkaði bóltin í netið. Hetta var tríggjar minuttir eftir, at ein hjá Djurgården hevði fingið sítt seinna gula kort.
Sí málini og hæddarpunkt, har nakrir stórir málmøguleikar eru, ovast ella HER
AIK er framvegis ósigrað í Allsvenskan. AIK og Mjällby hava bæði 17 stig fyri sjey umfør, og tey hittast í 8. umfari.
Tað verður tíðliga seinnapartin sunnudagin, at Strawberry leikvøllurin í Solna verður karmur um reinan oddadyst, har føroyski venjarin skal royna at vinna fyrimunin í fremstu røð í Svøríki.
Vinarliga broyt tínar kennifíla - og privatlívsstillingar fyri at síggja hetta innihald