Video: Skulu liva upp til tey virðini vit standa fyri

Teir hava staðið seg væl í fleiri kappingum á rað. Og so hava teir bíða eftir HM-møguleikanum.

Nú er hann næstan her, og Pauli Jacobsen sigur, at hetta er ein serlig tíð. Málverjin í Hoyvík og liðfelagirnir fyrireika seg hesa vikuna afturat í Føroyum - mánamorgunin gongur leiðin til Týsklands.

Føroysku U21-dreingirnir skulu spæla bólkaspæl í Magdeburg. Minsta kravið fyri at koma víðari høvuðsumfarið er at enda nummar tvey í bólkinum.

Eftir venjingina í Kollafirði í kvøld setti Pauli nøkur orð á mótstøðuliðini Angola, Japan og Spania, ið teir fyrst skulu hugsavna seg um, um teir skulu røkka heilt stóra dreyminum.

Portalurin verður við á túrinum í Týsklandi, og vit hava eisini ymiskt tilfar um føroysku HM-luttøkuna næstu dagarnar.