Adeshina Lawal verður verandi í Víkingi

Tað hevur ikki verið nakað væleydnað kappingarár hjá Víkingi. Tað er óvist enn, hvør verður venjari hjá felagnum komandi ár, og hvussu hópurin fer at síggja út. 

Í gjár kunngjørdi Vìkingur, at ein brikkur er komin uppá pláss. Adeshina Lawal heldur fra, eftir at partarnir hava gjørt ein eitt-ára sáttmála.

Áleyparin úr Nigeria kom úr ÍF undan kappingarbyrjan í fjør, og hann gjørdist toppskjútti í Betri-deildini við 17 málum. Adeshina Lawal skoraði eisini tvey mál í Champions League. Í ár hevur ikki hilnast heilt so væl; úrtøkan hjá Lawal er 8 mál í 26 dystum. 

Nú 34-ára gamli leikarin kom til landið í 2013. Hann umboðaði fyrst B36 í tvey ár, har hann í 2014 var ein týðanid partur av meistaraliðnum.