Alex Troleis verður fjórði dómari til dystin millum B36 og Levadia

Í Europa League-dystinum á Tórsvølli í morgin kunnu Jákup á Borg og hinir á B36-bonkinum samskifta við 4. dómaran á føroyskum. Á almenna yvirlitinum dystinum á uefa.com stendur Alex Troleis (FRO) sum "Fourth Official". 

Hinir tríggir dómararnir eru úr Skotlandi. At fjórði dómarin er úr Føroyum, er sambært bolt.fo, orsaka av, at eitt avboð er komið í síðstu løtu.

Støðan í ár viðvíkjandi altjóða dystum er heldur serlig, men støðan á Tórsvølli kann gera ógvuliga serlig og løgin, um Donald Robertson gerst skaddur. Í tí førinum er mannagongdin íhvussu er, at fjórði dómarin avloysir dómaran, sum so fer út á síðulinjuna at røkja uppgávuna sum fjórði dómari. 

Í hesum førinum skal sei ein dómari, ið er altjóða dómari, men sum vanliga dømir í Føroyum, leiða dystin millum eitt føroyskt lið og eitt úr Estlandi í Europa League.

Til hesa støðuna hevur UEFA helst givið serligt loyvi, og Levadia Tallinn hevur helst játtað.