Aston Villa hongur í

Ein av heilt jaligu søgunum í Premier League í ár hevur verið Astin Villa. Stolta felagið, sum á seinasta leikdegi farna kappingarár bjargaði sær lívinum, hevur í ár gjørt vart við seg við millum annað einum 7-1 sigri á meistarunum Liverpool.

Eftir ein niðurtúr hevur gongdin aftur veirð góð í desember og við sigrinum á Crystal Palace í dag er úrttøkan seinastu fýra dystirnar 10 stig - Villa hevur ikki tapt síðani 30. november.

Traore og Watkins fegnast um 1-0 málið. Fyrrveradi Lyon-áleyparin skoraði annan dystin á rað og er harvið av álvara komin í gongd fyri Villa (Mynd: EPA) 

Eins og í seinasta umfarið kom Aston Villa á odda í 5. minutti, Bertrand Traore og Anwar El-Ghazi skoraðu, og tað endaði 3-0. Men í mun til móti West Bromwich var tað Villa, ið fekk reytt kort í 1. hálvleiki. Tað var stóri og stinni miðverjin, Tyrone Mings, ið fekk sítt seinna gula kort beint fyri stegðin. 


Tvey gul kort innan fimm minuttir, og so var tað farvæl til Tyrone Mings (Mynd: EPA)


Innskifti Hause skorar her til 2-0 (Mynd: EPA)

Tá var støðan 1-0, men ístaðin fyri at Crystal Palace tók yvir, so skoraði heimaliðið tvær ferðir eftir stegðin. Aston Villa er harvið væl við í stríðnum um evropeisku plássini -  25 stig eru komin til høldar í 13 dystum. Palace hevur tapt samanlagt 10-0 í sínum seinastu tveimum dystunum.


Roy Hodgson kann ikki vera nøgdur (Mynd: EPA)

Southampton vitjaði í London. Har kom einki mál, men útiliðið fekk tvey mál kolldømd seinasta korterið vegna rangstøðu. Um tað hevði eydnast liðnum hjá Hassenhütl at vunnið, hevði tað ligið á 4. plássi eftir umfarið.

Um eina løtu er London uppgerð á skránni á Emirates leikvøllinum.

Premier League 15. umfar
2. jóladag

Leicester - Manchester United 2-2 (1-1)
23' Marcus Rashford 0-1
31' Harvey Barnes 1-1
79' Bruno Fernandes
85' Jamie Vardy (sjálvmál)

Les eisini: Røðin hjá United støðgaði í Leicester

Aston Villa - Crystal Palace 3-0 (1-0)
5' Bertrand Traore 1-0
66' Kortney Hause 2-0
76' Anwar El-Ghazi 3-0
Reytt kort: Tyrone Mings (45' - seinna gula)

Fulham - Southampton 0-0

17.30: Arsenal - Chelsea

20.00: Manchester City - Newcastle 
           Sheffield United - Everton

Støðan í ovara parti - flestu liðini hava spælt 14 dystir
1. Liverpool 31 stig
2. Leicester 28 stig *
3. Manchester United 27 stig
4. Everton 26 stig
5. Chelsea 25 stig
6. Aston Villa 25 **
7. Tottenham 25 stig 
8. Southampton 25 stig *
9. Manchester City 23 stig **
10. West Ham 21 stig

*Ein dyst fleiri 
** Ein dyst færri