placeholder
Fótbóltur

B68 sigraði í Suðuroy

Toftamenn vunnu tryggan sigur í dagsins fyrsta steypadysti og eru til reiðar til fjórðingsfinalurnar. 16-ára gamal kom á máltalvuna.

B68 gjørdist fyri løtu síðani fyrsta liðið til at spæla seg víðari til 1/4-finalurnar
(Mynd: b68.fo)

B68 gjørdist fyri løtu síðani fyrsta liðið til at spæla seg víðari til 1/4-finalurnar (Mynd: b68.fo)

2019-04-10 14:56 Author image
Agnar Prestá
placeholder

Tann fyrsti av teimum átta dystunum á skrá í dag er júst liðugur í Trongisvági. Har tóku hvalbingar móti B68. Í 1. umfari koppaði Royn 2. deildarliðnum úr Hoyvík, men B68 úr næstbestu deildini var ein stórur biti hjá teimum í bláum og hvítum.

Toftamenn sótu á tí mesta av spælinum, meðan heimaliðið lá djúpt og satsaði uppá umstillingar; serliga langar bóltar afturum verjuna hjá B68, ið gjørdist hálvgum vandamiklir til tíðir. B68 kom á odda eftir eitt korter, tá Otto Reinert Petersen var á blettinum. Fyrsta korterið av hálvleikinum avgjørdi liðið hjá Svenn Olsen dystin. Veteranurin Debes Danielsen skoraði tvær ferðir, umframt at 16-ára gamli evnaríki miðvallarin, Áki Johannesen, kom á máltalvuna.

B68 kann nú við spenningi síggja fram til lutakastið til 1/4 finaluna. Fyri Royn úr 3. deild er steypaævintýrið liðugt.

Næsti dysturin byrjar kl.16.30, og tað er dagsins størsti dystur; hann er í Gundadali, har NSÍ er á vitjan hjá HB. Vit fylgja gongdini á forsíðu okkara, eins og í restina av dagsins dystum. Televarpið stroymir HB - NSÍ

Áttandapartsfinalurnar í kappingini um Løgmanssteypið:

Royn - B68 0-4 (0-1)
'15 Otto Reinert Petersen 0-1
'53 Debes Danielsen (br.) 0-2
'59 Áki Johannesen 0-3
'85 Debes Danielsen 0-4

Skráin restina av degnum:

           
2 10.04.19 16:30 HB NSÍ -
2 10.04.19 18:00 Undrið FF -
2 10.04.19 18:00 TB FC Suðuroy -
2 10.04.19 18:00 SKÁLA AB -
2 10.04.19 18:15 B71 ÍF -
2 10.04.19 19:00 EB/Streymur Víkingur -
2 10.04.19 19:00 B36 07 Vestur

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder