Badmintonfeløg saman um nýggjan venjara

Nú kappingarárið 2023/24 í badminton verður skotið í gongd í næsta mánaði, hava badmintonfeløgini ÍF í Fuglafirði, Nápur í Runavík, MBF í Miðvági og KBF í Klaksvík gjørt avtalu við nýggjan venjara.

Setanin av nýggja venjaranum er sostatt eitt samstarv ímillum áðurnevndu badmintonfeløg.

Venjarin talan er um, er 21 ára gamli danin Jonas Mikkelsen, sum kemur úr Randers.

Hóast sín unga aldur, hevur Jonas verið venjari í fleiri ár, og hevur hollar royndir sum badmintonvenjari hjá leikarum í øllum aldursbólkum á ymiskum støði í Randers Badmintonklub.