Nýggjasti A-landsliðsspælarin: Segði sjálvandi ja - uttan at hugsa meg um

- Eg fekk boðini, tá eg var til arbeiðis. Tað var um trý-tíðina í gjár, haldi eg. Tað var næstan beint eftir venjingina í gjár, og Hjalti (Mohr Jacobsen, hjálparvenjari) ringdi. Hann sigur, at Ísak hevur fingið ein álvaran skaða, og teir vilja hava meg við til Montenegro. Eg sigi so ja beinanvegin - uttan at hugsa seg um.

Soleiðis greiðir Erling Erlendsson Portalinum frá í Kastrup, dagin eftir at hann á fyrsta sinni varð úttikin til A-landsliðið.

Hetta var undir heldur keðiligum umstøðum: Ísak Vedelsbøl fekk álvarsaman vøddaskaða í lærið undir venjingini hósdagin. Hetta ger, at sterki strikuspælarin og miðverjin úr HØJ ikki væntast at spæla nakað serligt at hondbólti restina av 2026.

Sí eisini: Ísak Vedelsbøl skaddur - Erling Erlendsson við ístaðin

19-ára gamli Erling Erlendsson er avloysarin, og hóast aðrir eru royndari, hevur strikuspælarin og miðverjin úr Kyndli verið til reiðar til hetta.

- Tað verður ógvuliga torført at spæla sum Ísak, men eg skal royna at vera besta útgávan av mær sjálvum, um eg spæli sunnudagin, sigur høgi ungi maðurin.

Erling hevur her skorað í U20 EM í summar. Hann hevur spælt nógv hjá barndómsfelagnum Kyndli síðani 2024 (Mynd: Sv 

Havnarmaðurin við royndum frá ungdómsendaspølunum hevur dreymar um yrkishondbólt uttanlands, og nú roynir hann seg á væl hægri stigi enn vanligt.

Eftir ætlan vera hann og liðfelagarnir uppá pláss í Podgoricia stutt fyri midnátt føroyska tíð. Dysturin í 2. umfari í EM-undankappingini verður spældur sunnudagin klokkan 17.00

Hoyr samrøðu við Erling Erlendsson, sum varð gjørd á flogvøllinum í Kastrup ovast

Portalurin og FM1 eru við á ferðini og hava nógv tilfar fram til, undir og eftir dystinum

Sí eisini: Leivur, Tróndur, Helgi og Pauli í landsliðsradio leygardagin

-----------------------------------------------

Undankapping til EM 2028, bólkur 4

2. umfar, sunnudagin 8. november
16.15: Kosovo - Ungarn
17.00: Montenegro - Føroyar (FM1 frásøgn og bloggur á Portalinum)

1. Ungarn 2 stig
2. Føroyar 2 stig
--------------------------
3. Kosovo 0 stig *
4. Montenegro 0 stig 

* Bestu fýra trý'ararnir í undankappingini koma víðari til EM, umframt tvey tey ovastu