placeholder
Fótbóltur

Brandur vil hava sparkivøll

9 ára gamli Brandur kom á gátt hjá borgarstjóranum í dag við ynski um ein ordiligan sparkivøll. Hann hevur savnað saman nógvar undirskriftir frá børnum og foreldrum.

(Mynd: Tórshavnar kommuna)

(Mynd: Tórshavnar kommuna)

2020-06-15 16:01 Author image
Sverri Egholm
placeholder

Borgarstjórin fekk í dag eina fitta vitjan, tá ið 9 ára gamli Brandur kom á gátt á Ráðhúsinum saman við beiggja sínum Bjarna, sum er 7 ár.

Brandur hevur savnað saman nógvar undirskriftir frá børnum og nøkrum foreldrum, har hann heitir á borgarstjóran um at gera ein ordiligan sparkivøll á spæliplássinum á Dagstovninum við Velbastaðvegin.

Saman við undirskriftunum er eisini ein heilsan til borgarstjóran. Brandur skrivar millum annað:

- Fótbóltsvøllurin í barnagarðinum er oyðiliagdur, og hann er gjørdur úr sandi. Eg gekk har fyri tveimum árum síðani. Eg og vinmennirnir ynskja okkum ein FIFA-vøll har ella onkrastaðni tætt við.

Borgarstjórin takkaði mangar ferðir fyri undirskriftirnar og lovaði at taka málið upp sum skjótast, skrivar torshavn.fo.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder