Fótbóltur

Christian Eriksen gjørt sáttmála við Brentford

Nú váttar Brentford, at felagið hevur gjørt sáttmála við Christian Eriksen, sum hevur verið sáttmálaleysur seinastu tíðina.

Danski miðvallarin hevur ikki verið at sæð í nøkrum dysti síðan 12. juni, tá hann small um í Parkini (Mynd: EPA)

Danski miðvallarin hevur ikki verið at sæð í nøkrum dysti síðan 12. juni, tá hann small um í Parkini (Mynd: EPA)

2022-01-31 09:10 Author image
Alda Nielsdóttir
placeholder

Fyri tveimum vikum síðani gingu søgur um, at Christan Eriksen fekk bjóðað sáttmála við enska fótbóltsfelagnum Brentford FC.

Síðan hann fekk hjartasteðg undir EM-dystinum móti Finnlandi 12. juni, hevur hann ikki spælt nakran dyst, og hann hevur síðani fingið ein hjartakvikil, sum er orsøkin til, at hann í desember mátti siga sáttmálan upp við italska Inter. Í Italia er nevniliga ikki loyvt at spæla við hjartakvikli.

Nú váttar Premier League-felagið so á heimasíðuni, at danski miðvallarin hevur skrivað undir sáttmála við teimum. Sáttmálin er galdandi fram til endan av kappingarárinum 21/22.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder