Danir vunnu norðurlendska brakið

Danmark vann sera jøvnu og spennandi fjórðingsfinaluna í dag móti Svøríki.

Harvið vann danska liðið sær luttøku í hálvfinalunum, meðan svensku harrarnir eru lidnir í OL-kappingini.

Úrslitið gjørdist 32-31. Dysturin var sera javnur, og liðini fylgdust so at siga allan vegin við skiftandi leiðslum. Í hálvleikinum stóð á jøvnum 16-16.

Simon Pytlik vísti seg sum sannan stórskjútta í fjórðingsfinaluni, og gjørdist toppskorari við 9 málum.

Eisini aldrandi stjørnan, Mikkel Hansen, vísti seg fram í hesum dystinum við seks málum, harav fimm upp á brotskast.

Felix Claar gjørdist svenskur toppskjútti við sjey málum.

Nú klokkan 20.30 byrjar seinasta fjórðingsfinalan hjá monnunum. Hon er millum Noreg og Slovenia.

Danmark skal møta vinnaran av hesum dystinum í hálvfinaluni, sum verður fríggjakvøldið kl. 20.30.