Danmark er víðari í Nations League

Í morgin dystast Føroyar við Aserbadjan í UEFA Nations League deild D. Í kvøld vóru sjey dystir í teimum ymisku deildunum. 

Danmark basti Wales, og er harvið víðari til finalubólkin í Deild B - næsthægstu deildini. Nicolai Jørgensen legði danir á odda stutt fyri hálvleik. Martin Braithwaite sá út til at avgera dystin stutt fyri leiklok, men Gareth Bale svaraði beinanvegin aftur og skapti nakað av spenningini seinastu løtuna. 2-1 úrslitið hevur við sær, at Danmark er víðari ístaðin fyri Wales. 

Umframt Danmark eru Ukreina og Bosnia & Hersegovina víðari í deildini, og Russland er sera tætt við at spæla seg víðari. Tað gera teir longu, um Turkaland ikki fær fult móti Svøríki í morgin. Sviar hava bert eitt stig fyri tveir dystir og hava tveir dystir eftir; seinni er ímóti russarum. Teir skulu vinna báðar, fyri at gera sær nakrar vónir um koma víðari. 

Norra fekk ein týdningarmiklan 1-1 javnleik í Slovenia. Innksifti Bjørn Johnsen javnaði fimm minuttir fyri tí. Hetta merkir,  at Norra og Bulgaria eru jøvn í stigum í bólki 3 í Deild C, nú ein dystur er eftir. Norra hevur betri málúrtøku, og skal spæla á Kýpros mándadagin, tá Bulgaria samstundis tekur ímóti Slovenia.

Holland vann heldur óvæntað 2-0 á Fraklandi í sterkastu deildini. Georgio Winjaldum skoraði stutt fyri hálvleik, og Memphis Depay lukkaði dystin í yvirtíðini við brotssparkið. Hetta merkir at fraklendingar, ið eru lidnir at spæla, bert eru eitt stig frammanfyri Holland, ið skal hava minst ein janvleik á útivølli móti arvafíggjdanum mánadagn. Týskland hevur eitt stig fyri tríggar dystir og flytir niður til Deild B til næstu Nations League kapping.

Fríggjadagur 16/11: 

Deild A - bólkur 1: Holland - Frakland 2-0 

Deild B - bólkur 1: Slovakia - Ukreina 4-1
             bólkur 4: Wales - Danmark 1-2

Deild C - bólkur 3: Kýpros - Bulgaria 1-1
                            Slovenia - Norra 1-1

Deild D - bólkur 4: Gibraltar - Armenia 2-6
                            Liktenstein - Makedónia 0-2