Dann Fróðason leingir við barndómsfelagið

07 Vestur og Dann Fróðason hava longt sáttmálan, og ungi verjuleikarin heldur sostatt framm í barndómsfelagnum komandi tvey árini.

Sandavágsmaðurin fekk fyrsta dystin á besta liði okkara heilt afturi í 2016, tá hann, bert 16 ár og 2 mánaðar gamal, kom á vøllin fyri Gunleif Magnusarson í 3-1 heimasigrinum á B71. Tilsamans eru tað blivnir til 105 dystir fyri besta lið okkara, 56 í Betri Deildini, 54 í 1. deild umframt 5 steypakappingini, og 9 mál.

(Mynd: 07 Vestur)

Dann hevur eisini verið á fleiri av ungdómslandsliðunum, seinast á U21-landsliðinum í summar, har hann fekk fullan dyst móti Armenia.

07 Vestur endaði í fjør á sætta plássið í Betri deildini við 28 stigum.